Darna

Manunungod an artikulong ini sa karakter sa komiks na Darna. Para sa ibang gamit, hilingon an Darna (klaripikasyon).

Si Darna sarong karakter kan superhero na enot na nagluwas sa mga komiks hale sa Filipinas. Ginibo ang karakter para sa Pilipino Komiks kan parasurat na si Mars Ravelo asin an parakurit na si Nestor Redondo kan 1950.^[1] Enot siyang nagluwas sa Pilipino Komiks (Ace Publications, Inc.) #77 kan Mayo 13, 1950. Si Darna ang liwat pagbabago kan naenot na karakter ni Ravelo na si Varga, na ang istorya asin kurit ginibo niya mismo. Enot na nagluwas an karakter na ini sa Bulaklak Magazine, Bolyum 4, #17 kan Hulyo 23, 1947. Naghali si Ravelo sa Bulaklak Magazine huli sa dai pagkakasurundo kan mga patnugot kan publikasyon.^[2] Bilang saro sa mga bistadong superherong Pilipino, nagluwas si Darna sa dakol na pelikula sagcod nagkapirang seryeng pantelebisyon.

Si Darna taga-ibang planeta o extra-terrestrial na nagadan na asin nagluluwas sa sarong babaying gikan sa Kinaban na nagngangarang Narda sa paagui kan salamanca . Pakatapos halunon ni Narda an Puting Gapo na may mahika asin kurahawon an "Darna," nagbabagong hitsura siya sa makapangyarihang si Darna. Bilang Darna, sinusurog niiya an mga kasaraditan asin nilalabanan an mga mararaot asin at mga kasurog kan kararatan, saro na digdi sa Valentina, sarong babayi na may buhok na halas kaagid si Medusa. Pirmi niyang kaibahan ang nguhod niyang tugang na si Ding. May mga nagkapirang bersyon ni Darna na tinawan nin baong katawohan sa pag-agi kan mga taon.

Bakong pangkaraniwan an sulot ni Darna: pirmi siyang nakasulot nin pulang bikini na igwang mga kolor bulawan na bituin sa kada takop kan saiyang bra; pulang kalo na may kolor bulawan na medalyong may pakpak; bulawan na pulseras; bulawan na medalyong paha na may bahag sa tahaw; sagcod haros abot tuhod na pulang bota. Tinuturing si Darna bilang saring aykon sa kultura kan Pilipinas, at tinuturing na pinakabistadong superhero na karakter sa Filipinas.^[3]

Mahiwas na pinag isipan asin ginampanan an karakter sa ibang klase kan midya arog kan mga pelikula asin seryeng pantelebisyon. Nagkapirang mga artista an nagin si Darna sa pelikula asin telebisyon sina Rosa del Rosario, Liza Moreno, Eva Montes, Gina Pareño, Vilma Santos, Lorna Tolentino, Rio Locsin, Sharon Cuneta, Nanette Medved, Anjanette Abayari, Regine Velasquez, Angel Locsin, at Marian Rivera.^[4]

1. ↑ Darna internationalhero.co.uk (sa Ingles)
2. ↑ "Mars Ravelo". lambiek.net (in Ingles). Retrieved 10 Hunyo 2015.  Check date values in: |access-date= (help)CS1 maint: Unrecognized language (link)
3. ↑ "Darna" (in Ingles). Philippine Daily Inquirer. 2003-02-17. Retrieved 2014-07-19. CS1 maint: Unrecognized language (link)
4. ↑ "IN PHOTOS: 13 actresses who played Darna" (in Ingles). ABS-CBN Corporation. Retrieved Mayo 31, 2017.  Check date values in: |access-date= (help)CS1 maint: Unrecognized language (link)